| | Flesh is so newfangil with myschaunce | |
| 90 | That we ne konne in no thing haue plesaunce | |
| | That sounyth vnto vertu ony whyle | |
| | Thus Phebus whiche thoughte no gyle | |
| | Disceyued was for al his iolyte | |
| | For vnder hym another had she | |
| 95 | A man of litil reputacion | |
| | Not worth to hym in no comparison | |
| | The more harm is it happith ofte so | |
| | Of whiche ther comyth muche harm and woo | |
| | And so befyl when Phebus was absent | |
| 100 | His wyf anon hath for her lemman sent | |
| | Her lemman certis that is a knauyssh speche | |
| | Foreyne it me that I you beseche | |
| | The wyse Plato saith as ye mowe rede | |
| | The word muste nede accorde with the dede | |
| 105 | Yf men shul telle propirly a thing | |
| | The word muste cosyn be to the workynge | |
| | I am a boistous man right thus say I | |
| | Ther is but litil difference trewly | |
| | Betwix a wyf that is of high degre | |
| 110 | Yf of her body dishonest she be | |
| | And a pore wenche other than this | |
| | Yf it so be they worke bothe amys | |
| | But that the gentil is in staat aboue | |
| | She shal be clepid his lady and his loue | |
| 115 | And for that other is a power woman | |
| | She shal be clepid his wenche or his lemman | |
| | And god it woot myn owen dere brother | |
