| 1620 | Wepe now nomore I wil thy lust fulfille | |
| | Now wol I stynte of the goddes aboue | |
| | Of marce and venus goddes of loue | |
| | And telle you al pleynly as I can | |
| | The grete effect of whiche I began | |
| | G | Reet was the feste in attenes that day | |
| | And eke the lusty seson of may | |
| | Made euery wight to be in suche plesaunce | |
| | That al that moneth Iuste they & daunce | |
| | And spenden it in venus high seruise | |
| 1630 | But be cause that they sholden arise | |
| | Erly forto se the grete sight | |
| | Vnto her reste wente they at nyght | |
| | And on the morow when day gan sprynge | |
| | Of hors and noyse harneis and claterynge | |
| 1635 | Ther was in hostelries al aboute | |
| | And to the Paleys ther ridith many aroute | |
| | And lordis vp on stedis and Palfreys | |
| | There maist thou se deuysinge of harneys | |
| | So vncowthe and so riche and wel | |
| 1640 | Of goldsmythrye of browderye & that subtel | |
| | The sheldis bright testeris and trappours | |
| | Gold hewed helmes hawberkis & cote armours | |
| 1645 | Raying the speris and helmes bokelyng | |
| | Guydyng of sheldis with leyners lasynge | |
| | There as nede is they were no thing Idyl | |
| | The fomy stedes on the goldyn bridyl | |
| | Alwey gnawynge and faste the armerers also | |
| 1650 | With file and hamer prikyng to and fro | |
